- اسلامي مذهبلري ياخينلاشديرما اوزره اولوسلارآراسي* قوروم

   - شرقي آذربايجان اسلامي تبليغات قورومو

بو گؤسترير كي بيز اؤز ديلينيميزي سايينلاميريق، يوخسا آز سايينليريق. بو ديلده سايتلارين چوخو افغانيستان، توركيه و عراق‌دا ياييليرلار. توركيه‌نين بير اوستانيندا مدرسه‌لرده درس وئريلير و عراق‌دا اساسي قانونلاريندا يازيليب و افغانيستان‌دا دا درس وئريلير. آزاراق سوريه و اوردون‌دا دا واردير. آنجاق ايران‌يميزدا هله‌ليك بو ديله ديَرَ وئرميريك. يالنيز تبريز بيليم يوردوندا درس وئريلير.

حتي چوخلو پان-تورك و آيريچيليق ايسته‌ين سايتلاردا كي توركجه‌نين دايندا گيزله‌نيب و اونو عوثمان كؤينه‌گي ائديبلر، گينه‌ده بو ديل يا يوخدو، اولسادا اصلي ديلي، فارسجادير و توركجه‌دن سوراق يوخدو.

ايرانين قوزئي دوغوسوندا اولان خبري سايتلاردا كي ايران ايسلام جومهوريتي‌نين بو بؤلومون قاپاتديريرلار، هئچ بيري بو ديلده دئييل.

بير آيري باخيمدا نئچه ايل تراختور تاخيمي‌نين ايرانين باش ليگينه گلمه‌گيندن سوروشور و بو تاخيما گؤره چوخلو سايت، وئبلاق تؤره‌نيب‌دير. آنجاق چوخونون گئچرلي‌ديلريندن ساييلمير. اؤرنك اوچون سايتلارين بيرينين گئچرلي ديل‌لري فارسجا، عربجه، اينگيليسجه ديرلر و توركجه يالنيز فروم‌لاردا و باخيشلاردا اولور. نييه گرك تراختورون يانداشليق سايتلارينين عربجه و اينگيليسجه ديل‌لرينده بؤلوموموز اولا و توركجه‌يه گؤره يوخ.

بو ايشين قانيتلاري** نه اولسادا اونون سونوچو اويغون دئييل. گلين توركجه‌ميزي قوروياق.

*: اولوسلارآراسي: بين الخالق، اولوسلارين آراسيندا اولان (فا:بين الملل). international

**: قانيت:  [آد]
ايچدن يارارلانان شئي، قانع‏ليق، حُجّت، دليل (فا:برهان). proofs، reason {قانيتماق›قانيت}.