توركجه ويكي‌پئديا

نييه توركجه اينديلرده سايتلاردا يوخدو؟

چهارشنبه 11 اردیبهشت 1392
+ به يه ن
دوزدو كي بو وئبلاق توركجه ويكي‌پئدياسينا گؤره‌دير، آنجاق بو قونو توركجه‌يه باغلي‌دير. اينديلرده توركجه ايرانين چوخ سايتلاريندا يوخدو؟ يالنيز گلن آشاغيداكي ايكي سايتدا واردير.
بو گؤسترير كي بيز اؤز ديلينيميزي سايينلاميريق، يوخسا آز سايينليريق. بو ديلده سايتلارين چوخو افغانيستان، توركيه و عراق‌دا ياييليرلار. توركيه‌نين بير اوستانيندا مدرسه‌لرده درس وئريلير و عراق‌دا اساسي قانونلاريندا يازيليب و افغانيستان‌دا دا درس وئريلير. آزاراق سوريه و اوردون‌دا دا واردير. آنجاق ايران‌يميزدا هله‌ليك بو ديله ديَرَ وئرميريك. يالنيز تبريز بيليم يوردوندا درس وئريلير.


بؤلوم : ويكي‌دن مقاله‌لر
یازار : Arjanizary

توركجه‌يه گؤره بيلگي وارينيزديرمي؟

جمعه 30 فروردین 1392
+ به يه ن
توركجه يه گؤره بيلگي ايسته‌سزسه توركجه ويكي پئدياسينا باش وورون.



توركجه هانچي اؤلكه‌لر و بؤلگه‌لرده دانيشيلير؟ توركجه شاعيرلر كيم ديلر؟ هانچي حكومت لرين ديلي توركجه ايدي؟ توركجه هانچي لهجه‌لره بؤلونور؟


بؤلوم : ويكي‌دن مقاله‌لر
یازار : Arjanizary

تبريز بيليم يوردو

سه شنبه 29 اسفند 1391
+ به يه ن
تبريز بيليم‌يوردو 1325-جي ايلده يارانماسيندان اينديه قدر ايرانين بؤيوك بيليمسل** اوجاغلارينين تانينير. بو بيليم‌يورد تهران بيليم‌يوردوندان سورا ايكينجي يارانان بيليم‌يوردودور. آدليم اؤيرنجي و باشچي‌لاردان مهدي باكري، ايران-عراق ساواشي‌نين قاهراماني ؛ رحيم صفوي، ايسلام اينقيلابين گؤزتچيلر اوردوسونون باشقانلاريندان ؛ منوچهر اقبال، باشباخان و نئچه يوللار باخان ؛ محسن هشترودي، فيزيك‌بيلن، رياضي‌بيلن و آدليم اديب  آد آپارما اولار.


 تبريز بيليم‌يوردو، نجوم و تطبيقي فيزيك آراشديرما مركزيندن باخيشي

تبريز بيليم‌يوردونون آدينا گؤره توركجه ويكي‌پئدياسيندا اوخويوروق كي:

تبريز بيليم‌يوردونون آد قويماسي بئله‌دير كي 1325ده(قورولوش تاريخي) ترتيب ايله ،«آزربايجان ميللي دارالفنوني»، «آزربايجان خلق اونيورسيته سي» و نهايت‌ده «آذربايجان اونيورسيته سي» بو بيليم‌يوردا سئچيلدي. بيليم‌يوردونون آدي 1326جي ايلينده «تبريز بيليم‌يوردو» و نئچه ايل سونرا «آذرآبادگان بيليم‌يوردو»نا و يئني‌دن «تبريز بيليم‌يوردو»نا چئويريلدي كي سونرالاردا«تبريز طب علم‌لر بيليم‌يوردو» اون‌دان آيريلدي.[3]




بؤلوم : ويكي‌دن مقاله‌لر
یازار : Arjanizary

تار، آذربايجان يوخسا ايرانين موسيقي آراجي‌دير؟

سه شنبه 29 اسفند 1391
+ به يه ن
تار آذربايجان‌دا گئنيش ايشلنن موسيقي آراجي‌دير.

نظامي گنجوي‌نين "ايسكندرنامه" اثرينده شاعير تاري بئله تصوير ائدير:

مۆغنني، تك بيرجه گئجه ده چال تار،

مني بۇ دار يوْلدا عذابدان قۇرتار!

بلكه، گئنيشلنسين، آچيلسين يوْلوم،

كؤچوم، بۇ داشليقدان آسوده اوْلوم...


 
  آذربايجان تاري

تار ايندي آذربايجان جومهوريتي آدينا يونئسكودا يازديريليب، آنجاق بو ايرانين موسيقي‌چيلره خوش گلمدي. توركجه ويكي‌پئدياسيندا بونا گؤره اوخوروق:
"آذربايجانين تار ايفاچيليق صنعتي‌نين يۇنئسكوْ-نۇن بشريتين قئيري-مادي مدني ارث اۆزره رپرزنتاتيو سيياهيسينا داخيل ائديلميشدير. آذربايجان مۇسيقيسي‌نين سۆتونلاريندان بيري اوْلان تار بشريت طرفيندن قوْروناراق قئيري-مادي مدني ارث سيياهيسينا داخيل ائديليب. سوْن ايللر يۇنئسكوْ-نۇن خطتي ايله بشريتين قئيري-مادي مدني ارث اۆزره رپرزنتاتيو سيياهيسينا داخيل اوْلان هر بير آنلاييش بيزيم اۆچون چوْخ اهميتليدير. آرتيق يۇنئسكوْ نوْوروز بايرامي، آذربايجان مۇغامي، آشيق مۇسيقيسي، خالچاچيليق صنعتيني بۇ سيياهييا داخيل ائديب. بۇنلار هاميسي آذربايجان خالقي‌نين ياراتديغي ياراديجيليق نؤوعلريدير. [3] ايران بو ايشه اعتيراضيني بيلديريب و ايران موسيقي ائوي‌ده يونئسكوا اعتيراض نامه‌سي گؤندردي[4][5][6]، آنجاق اونا هئچ اثر وئريلمدي. دئملي‌ييك كي تار آذربايجان‌دان سورا ايران، توركيه، اؤزبكيستان، توركمنيستان و گورجوستاندا دا ايشلنيلير.[6]"

*: قايناقلار توركجه ويكي‌پئدياسيندا يئرلشيبلر.


بؤلوم : ويكي‌دن مقاله‌لر
یازار : Arjanizary

تراختور تاخيمين گئچميشي نه‌دير؟

شنبه 26 اسفند 1391
+ به يه ن
اير ايستيرسينيز تراختور تاخيمين (فارسجا: باشگاه تراكتور سازي) گئچميشيني بيله‌سينيز. اير ايستيرسينيز آنا ديلينيزده سئوديگينيز تيمي تانيتديراسينيز. اير تراختور تاخيمين يانداشلاريندان‌سينيز. تراختور تاخيمين مقاله‌سينه باش وورون.

مقاله‌نين بير سيراسيندا اوخويوروق:

"تاخيم اؤز آديني اونون رسمي حامي‌سي تبريزين تراختور تؤره‌ين اؤره‌تيم ائوي آديندان گؤتورموشدور. اينگيليسجه tractor سؤزجوگون ايران تؤركلري "تراختور" يا "تيره‌ختور" دئييرلر. بونا گؤره يانداشلار اؤز سئويم‌لي تاخيملاريني يالنيز توركجه آلقيش‌لاييرلار. يانداشلار تاخيمين آدين تراختور يازما ايسته‌ييرلر و كؤينكلر و بايراق‌لارينا تراختور يازيرلار، آنجاق بير سيرا واختلار خ يازيلي بايراق‌لار و كؤينك‌لري‌له استاديومون ايچينه گئتمه‌يه يول وئرميرلر.*"

*: قايناقلار ويكي‌نين اؤزونده يئرلشيبدير.


بؤلوم :
یازار : Arjanizary

بيليرسينيزمي ... (1)

شنبه 26 اسفند 1391
+ به يه ن
بيليرسينيزمي اينديه قدر 280 ديلدن آرتيق ويكي‌پئديا واردير؟
بيليرسينيزمي كوردجه‌نين 4 آيري-آيري ويكي‌سي واردير؟
بيليرسينيزمي گيلكجه و مازندرانجا ويكي‌لري 6 ايل‌دن آرتيق‌دير يارانيب؟
بيليرسينيزمي 50دن آرتيق ويكي 1000دن آژ مقاله‌سي وار؟
بيليرسينيزمي اير ايندي توركجه ويكي قورولسا 175-جي ويكي اولار، و اير 12,000 مقاله‌سي آز ويكي‌دن كؤچورولسه 100-جو ويكي اولار؟
بيليرسينيزمي عربجه ويكي اولا اولا ميصير عربجه‌سينده‌ده ويكي واردير؟

بيز آنا ديليميزده نييه ويكي‌ميز اولماسين؟
توركجه تئست ويكي‌پئدياسيندا چاليشما و اونون قورولماسينا گؤره سس وئرمه (رأي وئرمه) اوچون آشاغي باغلانتيا گئدينيز.




بؤلوم :
یازار : Arjanizary

توركجه ويكي‌پئديا

جمعه 6 بهمن 1391
+ به يه ن

توركجه ويكي پئديا ( عرب كؤكلو آذربايجان توركجه سينده ) 2006-جي ميلادي ايليندن آذربايجان لاتين كؤكلو ويكي سينده ايشينه باشلادي ايرانلي ايشلدنلرين(=ايستيفاده‌چيلرين) چاليشمالاريلا ايندييه قدر 12,000 دن آرتيق مقاله‌يه چاتيبدير. 2008-جي ميلادي ايليندن موشكوللرين چوخالماسينا گؤره، بيري بيريندن آيريلما ايسته ييب و اؤز ايستكلرين باش ويكي ده (=مئتاويكي) يازيديلار. آنجاق اوردا آرتيق چاليشمالار اولماياراق 4 ايل بويوندا چوخراق مقاله يارانمادي. 2012-جي ميلادي ايليندن بير نئچه چاليشقان ايشلدنلرين چاليشمالارينا گؤره ايندي 2,300 دن آرتيق مقاله سي وار كي اؤست ده بيلگيلر اساسيندا 12,000 ده بو سايي يا آرتيرا بيلينر. توركجه ويكي پئديا، بير هامي دَييشديره بيله جگي آچيق بيليك ليك دير. 
بو ويكي نين اصلي سايتي هله ليك بو دور.

توركجه‌ ويكنين آنا صحيفه‌سي



بؤلوم :
یازار : Arjanizary

[1]